بھارتی حکومت انتہا پسند ہندوؤں کو مسلمانوں کے قتل عام سے روکے،خامنہ ای

آیت اللہ خامنہ ای کا بھارت سے ہندو انتہاپسند تنظیموں کے خلاف کارروائی کا مطالبہ

تہران: (پاکستان فوکس آن لائن) ایران کے رہبر اعلیٰ آیت اللہ خامنہ ای نے بھارت میں مسلمانوں کے قتل عام کی شدید مذمت کرتے ہوئے بھارتی حکومت سے ہندو انتہا پسندوں کو روکنے کا مطالبہ کیا ہے۔ٹوئٹر پر اپنے پیغام میں انہوں نے کہا کہ ’’ہندوستان میں مسلمانوں کے قتل عام پر دنیا بھر کے مسلمانوں کے دل رنجیدہ ہیں۔‘‘انہوں نے بھارتی حکومت سے انتہا پسند ہندوؤں اور ان کی حامی تنظیموں کو روکنے کا مطالبہ کیا۔ انہوں نے خبردار کیا کہ بھارت ’’مسلمانوں کا قتل عام بند کروا کر عالم اسلام میں خود کو تنہا پڑجانے سے بچائے!‘‘
واضح رہے دو روز قبل ایران کے وزیر خارجہ جواد ظریف نے ٹوئٹر پربھارت میں مسلمانوں پر ہونے والے منظم تشدد کی مذمت کی تھی۔ اس ٹوئٹ کے بعد بھارتی حکومت نے اسے اندرونی معاملات میں دخل اندازی قرار دیتے ہوئے ایرانی سفیر کو طلب کرکے احتجاج کیا تھا۔ بھارتی میڈیا میں بھی ایران کو شدید تنقید کا نشانہ بنایا گیا۔

Leave a Reply

Your email address will not be published. Required fields are marked *