ماہرہ خان انسٹاگرام پر 5 ملین فالوورز کے ساتھ پہلی پاکستانی اداکارہ بن گئیں

کراچی: (پاکستان فوکس آن لائن) پاکستان کی کامیاب اداکارہ ماہرہ خان کی بڑھتی ہوئیں مقبولیت کا اندازہ ان کے سوشل میڈیا اکاؤنٹس سے لگایا جاسکاتا ہے، جسے ہر گزرتے دن کے ساتھ پرستاروں کی بڑی تعداد فالو کررہی ہے۔لیکن کیا آپ جانتے ہیں کہ ماہرہ خان پاکستان کی وہ پہلی نامور شخصیت بن چکی ہیں جنہیں انسٹاگرام پر 50 لاکھ مداحوں نے فالو کرلیا۔
عالمی شہرت یافتہ اداکارہ ماہرہ خان پہلی پاکستانی اداکارہ بن گئیں جنہیں انسٹاگرام پر 5 ملین لوگوں نے فالو کیا۔

سوشل میڈیا کی دنیا میں فیس بک اور ٹوئٹر کی اپنی اہمیت ہے لیکن تصاویر شیئر کرنے والی ایپ ’’انسٹاگرام‘‘نے اس پلیٹ فارم پر جس تیزی سے اپنی جگہ بنائی ہے وہ قابل تعریف ہے۔ انسٹاگرام کے ذریعے عام افراد کے ساتھ شوبز اسٹارز بھی تصاویر اور مختصر دورانیے کی ویڈیوز شیئر کرکے لوگوں کو اپنی روزمرہ کی سرگرمیوں سے آگاہ رکھتے ہیں۔ یہی وجہ ہے کہ دیگر سوشل میڈیا اکاؤنٹس کی طرح انسٹاگرام پر بھی پاکستانی اداکاراؤں کے فالوورز کی تعداد لاکھوں میں ہے۔
انسٹاگرام پر ویسے تو فنکاروں کو لاکھوں کی تعداد میں لوگ فالو کرتے ہیں لیکن ماہرہ خان نے تمام فنکاروں کو پیچھے چھوڑدیا۔ انسٹاگرام پر ماہرہ خان کے فالوورز کی تعداد 5 ملین(50 لاکھ)ہوگئی ہےاور ماہرہ خان وہ پہلی پاکستانی اداکارہ بن گئی ہیں جنہیں انسٹاگرام پر 5 ملین لوگ فالو کرتے ہیں۔

اس موقع پر ماہرہ خان کی ایک ویڈیو سوشل میڈیا پر وائرل ہورہی ہے جس میں وہ 50 لاکھ فالوورز ہونے پر جشن مناتی نظر آرہی ہیں اس کے ساتھ ہی وہ انسٹاگرام پر شیئر کی گئی ایک تصویر کے بارے میں بتارہی ہیں جسے لوگوں نے بہت بڑی تعداد میں لائک کیا اوراس پر تبصرے کیے۔یہ تصویر دراصل ترکی میں ماہرہ خان کے ایک دوست کی شادی تھی ۔لوگوں کو اس تصویر سے متعلق غلط فہمی ہوگئی تھی اور لوگ سمجھ بیٹھے تھے کہ یہ ماہرہ خان کی دوست کی شادی کی نہیں بلکہ خود ماہرہ خان کی منگنی کی تصویر ہے۔ اس تصویر کے بارے میں ماہرہ خان نےمزاحیہ انداز میں بات کرتے ہوئے کہاکہ مجھے اپنے دوست کے لیے بہت برا لگا کیونکہ اس بیچارے نے ترکی میں منعقد کی جانے والی تقریب اور اس میں شرکت کرنے والے تمام مہمانوں کا خرچہ اٹھایا تھا اور لوگ سمجھ بیٹھے کہ یہ میری شادی کی تقریب ہے ۔تاہم اس تصویر پر آنے والے تبصرے پڑھ کر مجھے بہت ہنسی آئی۔

واضح رہے کہ جہاں ماہرہ خان کو انسٹاگرام پر 50 لاکھ سے زائد مداح فالو کررہے ہیں، وہیں اداکارہ ایمن خان اور سجل علی بھی اس دوڑ میں زیادہ پیچھے نہیں۔اگر دیگر فنکاراؤں کی بات کی جائے تو اداکارہ ایمن خان اور ماورا حسین کو انسٹاگرام پر4.7 ملین لوگ فالوکرتے ہیں۔ سجل علی کے فالوورز کی تعداد4.2 ملین ہے۔ عروہ حسین کے 3.2 ملین، مومنہ مستحسن کے 2.9، مہوش حیات اور نیلم منیر کے 2.8 ملین، صبا قمر کے 2.2 ملین، ارمینا خان کے1.7ملین، صنم بلوچ کے 1.4 ملین، وینا ملک اور اداکارہ میرا کے ایک لاکھ سے زائد فالوورز ہیں۔

Leave a Reply

Your email address will not be published. Required fields are marked *