کورونا علامت کے حامل مسافروں کے فضائی سفر پر پابندی، نوٹیفکیشن جاری

نزلہ، زکام، کھانسی، بخار اور سانس لینے میں دشواری کا شکار افراد کو بھی ٹکٹ جاری نہ کرنے کی ہدایت کردی گئی

اسلام آباد : (پاکستان فوکس آن لائن) سول ایوی ایشن اتھارٹی نے مسافروں کے لئے نئی سفری ہدایات جاری کرتے ہوئے کہا ہے کہ ایئر لائنز کورونا وائرس میں سے کسی بھی علامت کے حامل مسافر کو ٹکٹ جاری نہ کریں۔سول ایوی ایشن نے ایئر لائنز کو کورونا وائرس کے حامل مسافروں کو ٹکٹ جاری کرنے سے روکتے ہوئے ہدایت نامہ جاری کردیا جو 31 جولائی تک نافذ العمل رہے گا۔نوٹیفکیشن کے مطابق کورونا وائرس کی علامات میں نزلہ، کھانسی، زکام، بخار اور سانس لینے میں دشواری شامل ہیں، ایسے مسافروں کو ایئر لائن ٹکٹ نہ جاری کریں، اگر ٹکٹ لینے کے بعد مسافر میں علامات ظاہر ہوں تو وہ ایئرپورٹ نہ آئیں۔سول ایوی ایشن اتھارٹی نے ایئرپورٹ اتھارٹیز اور ایئر لائنز کو علامات ظاہر ہونے والے مسافروں کو بورڈنگ کارڈ جاری نہ کرنے کا بھی حکم دیا ہے۔
واضح رہے کہ کورونا کے خطرات کے پیش نظر تمام مسافروں کو ایئر پورٹ پر ماسک پہننا، سینیٹائرز کا استعمال اور سماجی فاصلہ اختیار کرنا ہوگا۔

Leave a Reply

Your email address will not be published. Required fields are marked *