بھارت کا چاند مشن فیل ہونے پر میجر جنرل آصف غفور کا بھی رد عمل سامنے آگیا

آئی ایس آئی یا کشمیر،بھارت خلائی مشن کی ناکامی کا ذمہ دارکسے ٹہرائے گا؟ ترجمان پاک فوج

راولپنڈی: (پاکستان فوکس آن لائن) ڈی جی آئی ایس پی آر میجر جنرل آصف غفور نے بھی بھارت کے چاند پر جانے کے مشن کے فیل ہونے پر اپنے رد عمل کا اظہار کیا ہے۔اپنے ذاتی ٹوئٹر اکاؤنٹ پر جاری بیان میں میجر جنرل آصف غفور نے بھارتی اسپیس ایجنسی ’آئی ایس آر او‘ کو ٹیگ کرتے ہوئے طنزیہ شاباش دی۔آصف غفور نے کہا کہ اب اس کا ذمہ دار کسے ٹہراتے ہیں؟ پابندیوں میں جکڑے مقبوضہ کشمیر کے معصوم کشمیریوں کو؟ بھارت میں مسلمانوں اور اقلیتوں کو؟ بھارت میں ہندتوا کے خلاف اٹھنے والی باشعور آوازوں کو یا پھر آئی ایس آئی کو؟میجر جنرل آصف غفور نے بھارت کو پیغام دیا کہ ہندوتوا آپ کو کہیں کا نہیں چھوڑے گی لہٰذا چاند کو اکیلا چھوڑ دیں۔

انہوں نے پاکستان میں جنگی قیدی بننے والے ابھی نندن کو بھارتی ایوارڈ ویر چکرا ملنے کی طرف اشارہ کرتے ہوئے کہا کہ ایک اور جھوٹی کہانی اور جعلی دعوے کا جواب دیکھتے ہیں، ایک اور ویر چکرا۔

Leave a Reply

Your email address will not be published. Required fields are marked *