عید کے بعد نیب ان ایکشن، زرداری گرفتار ہوں گےیا نہیں، تلوار لٹک گئی

اسلام آباد: (پاکستان فوکس آن لائن) عید کے بعد اہم سیاسی شخصیات کے خلاف کرپشن کیسز پر نیب کا ایکشن ہو گا، جیل میں قید سابق وزیراعظم نواز شریف رہا ہوں گے یا سابق صدر آصف علی زرداری گرفتار ہوں گے، بڑی سیاسی شخصیات کی ضمانت درخواستوں پر بھی فیصلے سامنے آئیں گے۔چئیرمین نیب جسٹس ریٹائرڈ جاوید اقبال نے سابق صدر آصف علی زرداری کے وارنٹ گرفتاری جاری کر دیے ہیں۔ ذرائع کے مطابق سابق صدر کے وارنٹ گرفتاری پیر کے روز احتساب عدالت میں پیش کیے جائیں گے۔ آسف علی زرداری کو گرفتار کیے جانے کا امکان ہیں۔ سابق صدر آصف علی زرداری منی لانڈرنگ کیس میں نامزد ہیں۔ میگا منی لانڈرنگ کا کیس کراچی سے راولپنڈی کی احتساب عدالت میں منتقل کیا گیا ہے اور اس کی سماعت احتساب عدالت کے جج ارشد ملک کر رہے ہیں۔
سابق صدر اور وزرائے اعظم سمیت کئی سیاسی بڑوں کے خلاف کرپشن کیسز، جعلی اکاؤنٹس، ایل این جی، بلٹ پروف گاڑیوں اور آمدن سے زیادہ اثاثہ جات کے مقدمات چلیں گے۔ اہم شخصیات کی ہو گی گرفتاری یا ضمانت مل جائے گی، فیصلہ عید کے فوری بعد ہو جائے گا۔
اسلام آباد ہائیکورٹ دس جون کو آصف زرداری اور فریال تالپور کی ضمانت پر فیصلہ کرے گی ۔ گیارہ جون کو نوازشریف کی ضمانت درخواست پر سماعت ہوگی۔نیب نے بلاول بھٹو زرداری سے اوپل 225 منصوبے میں دس جون تک جواب طلب کر رکھا ہے، شاہد خاقان عباسی کے خلاف ایل این جی کیس کی تحقیقات بھی آخری مرحلے میں ہے۔ چیئرمین نیب نے قائم علی شاہ اور مراد علی شاہ کے خلاف ٹھٹھہ اور دادو شوگر ملز کیس کی انکوائریز کو باقاعدہ تحقیقات میں منتقل کرنے کی منظوری دیدی ہے ۔ ذرائع کے مطابق بات ان کی گرفتاری تک جا سکتی ہے ۔عید کے بعد وزیر دفاع پرویز خٹک کے خلاف مالم جبہ کیس میں بھی اہم گرفتاریوں کا فیصلہ ہوگا جبکہ ریفرنس احتساب عدالت میں دائر کردیا جائے گا۔

Leave a Reply

Your email address will not be published. Required fields are marked *