ناجائز اثاثے بنانے کا الزام، شہبازشریف کی جائیداد منجمد کرنے کا فیصلہ

اسلام آباد: (پاکستان فوکس آن لائن) نیب نے شہبازشریف کے خلاف بڑی کارروائی کا فیصلہ کر لیا، پہلے مرحلے میں ماڈل ٹاون والی رہائش گاہ سمیت اثاثے منجمد کئے جائیں گے، قیمتی گاڑیوں کے خلاف پہلے ہی تفصیلات حاصل کی جا رہی ہیں۔ شریف خاندان پر الزام ہے کہ ٹی ٹی کے ذریعے ناجائز اثاثے بنائے۔
بتایا گیا ہے کہ شہبازشریف متعدد بار طلبی کے باوجود جواب نہ دے سکے، نیب نے نصرت شہباز سمیت دیگر خاندان کو بھی خطوط لکھے لیکن ان کی طرف سے بھی جواب نہ ملا۔ شہبازشریف فیملی منی ٹریل فراہم کرنے میں بھی ناکام رہی ہے۔
میڈیا رپورٹس کے مطابق نیب شہباز شریف کے خلاف کارروائی کرتے ہوئے پہلے مرحلے میں ماڈل ٹاون والی رہائش گاہ سمیت اثاثے منجمد کرے گا۔ اسلام آباد، ہری پور کے اثاثے بھی قبضے میں لئے جائیں گے، قیمتی گاڑیوں کے خلاف بھی تفصیلات حاصل کی جا رہی ہیں۔
نیب نے محکمہ ریونیو کو شہبازشریف خاندان کے اثاثوں کی فروخت سے متعلق تفصیلات کے لئے خط لکھا ہے، تمام متعلقہ اداروں کو خط لکھنے کے بعد احتساب عدالت سے اگلی کارروائی کی اجازت لی جائے گی۔

 

Leave a Reply

Your email address will not be published. Required fields are marked *