گلگت بلتستان قانون ساز اسمبلی کی مدت ختم، میر افضل نگراں وزیراعلیٰ مقرر

اسلام آباد: (پاکستان فوکس آن لائن)گلگت بلتستان میں پاکستان مسلم لیگ ن کی حکومت کے پانچ سال مکمل ہونے پر اسمبلی تحلیل ہوگئی۔اسمبلی تحلیل ہونے کا نوٹیفکیشن جاری کردیا ہے اور نگراں وزیر اعلی میر افضل آج اپنے عہدے کا حلف اٹھائیں گے جن سے گورنر گلگت بلتستان راجا جلال حسین مقپون حلف لیں گے۔
نگراں کابینہ کی تشکیل کیلئے بھی بھاگ دوڑ تیز ہوگئی ہے، وفاقی وزیر امور کشمیر نے متوقع نگراں وزیروں کو اسلام آباد طلب کرلیاہے اور فاقی وزیر علی امین گنڈاپور متوقع وزیروں سے آج ملاقات کریں گے۔متوقع نگراں وزیروں کی لسٹ کو آج حتمی شکل دیدی جائے گی اور اب تک تین نگراں وزارء کے نام فائنل ہوچکے ہیں جن میں ایمان شاہ، ناصر زمانی، آفتاب اسماعیل شامل ہیں۔ذرائع کے مطابق نگراں کابینہ تقریبا درجن وزراء پر مشتمل رکھنے کا امکان ہے۔
میر افضل خان کا تعلق ضلع استور کے علاقے بونجی سے ہے، میر افضل خان طویل عرصے تک پولیس ڈیپارٹمنٹ میں مختلف عہدوں پر کام کرتے رہے اور انہوں نے ایس پی اور پھر ایس ایس پی کی حیثیت سے گلگت بلتستان کے تمام اضلاع میں فرائض سرانجام دیئے جبکہ چند سال قبل وہ ڈی آئی جی کے عہدے سے ریٹائر ہوئے تھے۔

Leave a Reply

Your email address will not be published. Required fields are marked *