الیکشن کمیشن نے قبائلی اضلاع میں انتخابات موخر کردیے

اسلام آباد: (پاکستان فوکس آن لائن) الیکشن کمیشن نے خیبرپختونخوا حکومت کی درخواست پر قبائلی اضلاع میں صوبائی اسمبلی کی 16 نشستوں کے لیے 2 جولائی کو ہونے والے انتخابات 18 روز کے لیے مؤخر کردیے۔
ترجمان الیکشن کمیشن الطاف خان کے مطابق چیف الیکشن کمشنر جسٹس (ر) سردار محمد رضا کی زیر صدارت قبائلی اضلاع (سابق فاٹا) میں صوبائی اسمبلی کی 16 نشستوں پر انتخابات سے متعلق اہم اجلاس ہوا۔ اجلاس کے دوران خیبرپختونخوا حکومت کی جانب سے موصول درخواست کا جائزہ لیا گیا جس کے بعد کمیشن نے فیصلہ کیا کہ قبائلی اضلاع کی نشستوں کے لیے انتخابات 20 جولائی کو ہوں گے۔
یاد رہے کہ خیبرپختونخوا حکومت نے الیکشن کمیشن کو لکھے گئے خط میں امن و امان کی خراب صورتحال پر الیکشن ملتوی کرنے کی درخواست کی تھی۔خیبرپختونخوا حکومت نے مؤقف اختیار کیا تھا کہ افغانستان سے دہشت گرد حملوں کے خطرات ہیں، سیاسی قیادت کو بھی نشانہ بنانے کے حوالے سے خدشات موجود ہیں اس لیے الیکشن 20 روز کے لیے ملتوی کیے جائیں۔

Leave a Reply

Your email address will not be published. Required fields are marked *