ریلوے کا کھلا پھاٹک4 انسانی جانیں نگل گیا

پتوکی،پھاٹک کراس کرتے ہوئے کار ٹرین کی زد میں آ گئی، 4 افراد جاں بحق

پتوکی: (پاکستان فوکس آن لائن)لنڈا پھاٹک پر گاڑی ٹرین کی زد میں آنے سے ایک ہی خاندان کے 4 افراد جاں بحق ہوگئے۔
پتوکی میں گاڑی لنڈا ریلوے پھاٹک عبور کررہی تھی کہ ٹرین کی زد میں آگئی، تصادم کے نتیجے میں گاڑی میں موجود 2 خواتین سمیت چاروں افراد جاں بحق ہوگئے۔ جاں بحق ہونے والوں کا تعلق قرینی علاقے کرانی والا کے ایک ہی خاندان سے ہے۔
عینی شاہدین کا کہنا ہے کہ واقعہ لنڈا پھاٹک پر تعینات گیٹ مین کی غفلت کے باعث پیش آیا کیونکہ اس نے ٹرین کی آّمد پر پھاٹک بند نہیں کیا جس کی وجہ سے گاڑی نے پٹری پار کرنے کی کوشش کی۔
وزیراعلیٰ پنجاب سردار عثمان بزدار نے واقعے پر دکھ اور افسوس کا اظہار کیا ہے،انہوں نے حادثے کے بارے میں انتظامیہ سے رپورٹ طلب کرتے ہوئے کہا ہے کہ مجرمانہ غفلت کے ذمہ دار وں کا تعین کر کے قانونی کارروائی عمل میں لائی جائے۔

Leave a Reply

Your email address will not be published. Required fields are marked *