یاسر حسین کو عمران ہاشمی بننے کی ضرورت نہیں تھی

کراچی: (پاکستان فوکس آن لائن)پاکستانی ٹی وی ادکارہ اقرا عزیز اور اداکاروکامیڈین یاسر خان کے دوستی کے چرچے تو شوبز انڈسٹری میں تھے ہی پر اب اداکارہ نے یاسر خان کی شادی کی پیشکش پرہاں کردی ہے۔اقرا عزیز اور یاسرخان کی گہری دوستی کے بارے کسے خبرنہ تھی۔ لیکن دونوں کی جانب سے کبھی محبت کا اعتراف نہیں کیا گیا تھا۔ پچھلے دنوں دونوں کی ساتھ بیرون ملک گھومنے پھرنے کی تصاویر بھی خوب میڈیا کی زینت بنی تھیں۔

تاہم لکس اسٹائل ایوارڈزمیں اداکاریاسر خان نے ٹی وی اداکارہ اقرا عزیز کو شادی کی پیشکش کی جوانہوں نے فوری طور پر خوشی خوشی قبول کرلی۔ دونوں ہی اس موقع نہایت خوش نظر آئے۔دونوں کی وڈیوسوشل میڈیا پر بھی وائرل ہو رہی ہے جہاں یاسر خان بے حد خوشی کا اظہارکرتے ہوئے اداکارہ کو انگوٹھی پہنا رہے ہیں۔

بعدازاں یاسر حسین نے اقراء کو انگوٹھی پہنائی اور ان کے بوسے لیے تاہم سوشل میڈیا پر یاسر کی اس حرکت کو سخت تنقید کا نشانہ بنایا گیا۔ مداحوں کی زیادہ تر تعداد نے ان کے بے باک انداز پر خوب کھری کھری سنائی ہیں۔

ایک صارف کا کہنا تھا کہ ایک ایوارڈ شو میں منگنی کے اس اندازکو اپنانے کے بعد وہ کیا بتانا چاہتے ہیں۔ دوسرے صارف کے مطابق یاسرحسین کو ایورڈ شو میں بالی ووڈ اداکارعمران ہاشمی بننے کی ضرورت نہیں تھی جب کہ کچھ صارفین نے دونوں کومعروف کارٹون ’ٹام اورجیری‘ سے بھی تشبیہہ دے دی۔
ایک اورصارف نے دونوں کو شدید تنقید کا نشانہ بناتے ہوئے لکھا کہ یاسرخان اقراعزیز کے باپ جیسے لگتے ہیں جب کہ دونوں کی جوڑی بہت بے کار ہے۔

Leave a Reply

Your email address will not be published. Required fields are marked *