اسلام آباد میں 50 بستروں پر مشتمل آئیسولیشن سینٹر قائم

آئیسولیشن سینٹر کا افتتاح وزیراعظم عمران خان نے کیا ، چیئرمین این ڈی ایم اےکی بریفنگ

اسلام آباد: (پاکستان فوکس آن لائن) کورونا وائرس کے پیش نظر وفاقی دارالحکومت اسلام آباد میں 50 بستروں پر مشتمل آئیسولیشن سینٹر قائم کردیا گیا ہے۔آئیسولیشن سینٹر کا افتتاح وزیراعظم عمران خان نے کیا جبکہ چیئرمین این ڈی ایم اے لیفٹیننٹ جنرل محمد افضل نے انہیں بریفنگ دی۔وزیراعظم نے کورونا وائرس آئسولیشن سینٹر کے انتظامات کاجائزہ لیا، اس موقع پر چینی سفیر بھی ان کے ہمراہ تھے۔
واضح رہے اسلام آباد میں کورونا وائرس کے اب تک 25 کیسز سامنے آچکے ہیں جبکہ جان لیوا مرض ایک شخص کی موت کا باعث بنا۔ملک بھر میں کورونا وائرس سے اب تک 8 افراد ہلاک ہوچکے جبکہ 1100 سے زائد متاثر ہیں۔خیبر پختونخوا میں سب سے زیادہ تین، جبکہ اسلام آباد، پنجاب، سندھ، بلوچستان اور گلگت بلستان میں ایک، ایک شخص جاں بحق ہوا۔

Leave a Reply

Your email address will not be published. Required fields are marked *