چہرے پر میک اپ کرنے والے آرٹسٹ کو ’پرے ہٹ‘ کہنے کی ماہرہ کی ویڈیو وائرل

ماہرہ نے ’پرے ہٹ لو‘ میں مداحوں کو اپنی جھلک دکھادی

سپر اسٹار ماہرہ خان نے فلم ’پرے ہٹ لو‘ میں مداحوں کو اپنی پہلی جھلک دکھادی۔عاصم رضا کی ہدایت کاری میں بننے والی رومانوی فلم ’پرے ہٹ لو‘ میں مرکزی اداکارہ مایا علی اور اداکار شہریار منور ہیں جس میں ماہرہ خان مہمان اداکارہ کے طور پر جلوہ گر ہوں گی۔فلم ’پرے ہٹ لو‘ کا کچھ روز قبل ایک موشن پوسٹر جاری کیا گیا جس میں ماہرہ خان کی انٹری کو متعارف کروایا گیا تھا۔

آنے والی رومانٹک پاکستانی فلم ’پرے ہٹ لو‘ کی یوں تو شوٹنگ جاری ہے، تاہم وہ اپنی ریلیز سے قبل ہی خبروں میں ہے۔ ہدایت کار عاصم رضا کی اس رومانوی فلم کو رواں برس عیدالاضحیٰ پر ریلیز کیا جائے گا۔فلم میں اگرچہ مرکزی کردار مایا علی نبھاتی نظر آئیں گی، تاہم اس میں ماہرہ خان کی شرکت نے مداحوں کو پہلے ہی دیوانہ کردیا ہے۔ابتداء میں یہ اطلاعات تھیں کہ ماہرہ خان فلم میں مرکزی کردار ادا کرتی دکھائی دیں گی، تاہم بعد ازاں یہ خبر سامنے آئی کہ وہ مرکزی کردار نہیں نبھائیں گی۔تاہم تین دن قبل ہی ماہرہ خان نے اس فلم میں اپنی جھلک جاری کی تھی۔

ماہرہ خان نے ایک تصویر کی ویڈیو جاری کی تھی جس سے اندازہ ہوتا ہے کہ وہ فلم میں خصوصی گانے پر پرفارمنس کرتی دکھائی دیں گی۔تاہم اب انسٹاگرام پر ماہرہ خان کی ’پرے ہٹ لو‘ کی ایک مختصر ویڈیو وائرل ہو رہی ہے اور لوگوں کی جانب سے اداکارہ کے انداز کو سراہا جا رہا ہے۔انسٹاگرام پر ماہرہ خان کے فین کی جانب سے بنائے گئے اکاؤنٹ پر شیئر کی گئی مختصر ویڈیو میں ماہرہ خان کو سرخ لباس میں گہرے میک اپ کے ساتھ دیکھا جا سکتا ہے۔

ویڈیو میں دیکھا جا سکتا ہے کہ ماہرہ خان کے چہرے پر ایک آرٹسٹ میک اپ کر رہا ہے اور اس دوران اداکارہ کسی بات کے غصے کی وجہ سے اس آرٹسٹ کے میک اپ برش کو ہٹاتے ہوئے کہتی دکھائی دیتی ہیں کہ ’پرے ہٹ‘۔اداکارہ کی یہ مختصر ویڈیو سوشل میڈیا پر وائرل ہو گئی اور لوگوں نے اداکارہ کے انداز کو سراہا۔

Leave a Reply

Your email address will not be published. Required fields are marked *