کراچی،پرانا حاجی کیمپ ٹمبر مارکیٹ میں مخدوش عمارت گر گئی

کراچی:(پاکستان فوکس آن لائن) پرانا حاجی کیمپ ٹمبر مارکیٹ میں مخدوش عمارت گر گئی، 6 منزلہ مخدوش عمارت میں 21 فلیٹس تھے، پولیس اور متعلقہ ادارے پہنچ گئے۔پولیس نے سڑک کو آمدورفت کیلئے بند کر دیا، تمام مکینوں کو بر وقت نکال لیا گیا تھا، مخدوش عمارت ایک جانب سے جھک گئی تھی، جس کے گرنے کا خدشہ تھا۔
دوسری جانب اینٹی انکروچمنٹ فورس نے تجاوزات کیخلاف سندھ بھر میں گرینڈ آپریشن کرتے ہوئے ڈسٹرکٹ ویسٹ میں 10 ایکٹر سرکاری زمین واگزار کرالی ۔ڈائریکٹراینٹی انکروچمنٹ طارق دھاریجو کے مطابق ایم پی آر کالونی چونا گراونڈ میں 16 ایکٹر واگزار کروائی، حیدرآباد، قاسم آباد میں 3 غیر قانونی گھر بھی مسمار کیے، حیدرآباد پکا پیر چھڑی ریشم بازار میں 6 دکانیں اور چاردیواری مسمار کی۔
طارق دھاریجو کا کہنا تھا سکھر بیگاری بند کینال کے اطراف تجاوازت کے خلاف آپریشن کیا گیا، غلام سرور رئیس گوٹھ میں غیر قانونی دیوار اور تعمیرات کو مسمار کیا گیا، قبضہ مافیا نے قبضہ کی گئی زمین پر چار دیواری کروا رکھی تھی۔

Leave a Reply

Your email address will not be published. Required fields are marked *