وزیراعظم عمران خان کی نواز شریف کیلئے ہر ممکن طبی سہولت یقینی بنانے کی ہدایت

اسلام آباد: (پاکستان فوکس آن لائن) وزیراعظم عمران خان نے وزیراعلیٰ پنجاب عثمان بزدار کو ٹیلی فون کرکے سابق وزیراعظم نواز شریف کیلئے ہر ممکن طبی سہولت یقینی بنانے کی ہدایت کی ہے۔وزیراعلی پنجاب نے وزیراعظم کو اسپتال میں نواز شریف کیلئے سہولیات سے آگاہ کیا جب کہ عمران خان نے نواز شریف کے ذاتی معالج سے بھی رابطے میں رہنے کی ہدایت کر دی۔وزیراعلی پنجاب عثمان بزدار نے وزیراعظم کو محکمہ صحت کے اقدامات سے بھی آگاہ کیا ۔

وزیراطلاعات فردوس عاشق اعوان کا کہنا ہے کہ وزیراعظم عمران خان نے نوازشریف کی صحت یابی کیلئے دعا اور نیک تمناؤں کا اظہار کیا ۔انہوں نے کہا کہ متعلقہ حکام کوہدایت کی ہے نوازشریف کےخاندان کی مرضی کے مطابق علاج کی بہترین سہولیات دی جائیں۔نواز شریف کا علاج سروسز اسپتال لاہور کے پرنسپل پروفیسر ایاز محمود کی سربراہی میں 6 رکنی میڈیکل بورڈ کر رہا ہے جس میں ڈاکٹر کامران خالد، ڈاکٹر عارف ندیم ،ڈاکٹر فائزہ بشیر، ڈاکٹر خدیجہ عرفان اور ڈاکٹر ثوبیہ قاضی شامل ہیں۔میڈیکل بورڈ سینئر میڈیکل اسپیشلسٹ، گیسٹرو انٹرولوجسٹ، انیستھیزیا اسپیشلسٹ اور فزیشن پر مشتمل ہے۔

Leave a Reply

Your email address will not be published. Required fields are marked *