پاکستان کا افغانستان سے داعش کے سربراہ اسلم فاروقی کی حوالگی کا مطالبہ

اسلام آباد: (پاکستان فوکس آن لائن) پاکستان نے افغانستان سے آئی ایس آئی ایس لیڈر اسلم فاروقی کی حوالگی کا مطالبہ کر دیا۔ترجمان دفتر خارجہ ڈاکٹر عائشہ فاروقی کے مطابق افغان سفیر کو دفتر خارجہ طلب کیا گیا اور پاکستان نے آئی ایس آئی ایس لیڈر اسلم فاروقی کی گرفتاری پر اپنے موقف سے آگاہ کیا۔افغان سفیر کی دفتر خارجہ طلبی کے دوران دہشتگردی کے خاتمے کے لیے دونوں ممالک کے تعاون بڑھانے پر زور دیا گیا۔
دفتر خارجہ طلبی کے دوران افغان سفیر سے مطالبہ کیا گیا کہ داعش کے دہشتگرد اسلم فاروقی کو پاکستان کے حوالے کیا جائے۔ترجمان دفتر خارجہ کا کہنا ہے کہ پاکستان اسلم فاروقی گروپ کی کارووائیوں پر اپنی تشویش سے افغانستان کو آگا ہ کرتا رہا ہے، اس گروپ کی سرگرمیاں پاکستان کے لیے نقصان دہ تھی۔
ڈاکٹر عائشہ فاروقی کے مطابق اسلم فاروقی افغانستان میں پاکستان مخالف سرگرمیوں میں ملوث ہے، پاکستان اسلم فاروقی سے تحقیقات کرنا چاہتا ہے، اسلم فاروقی کو افغان حکومت نے 5 اپریل کو گرفتار کیا۔

Leave a Reply

Your email address will not be published. Required fields are marked *