کسی بھی بھارتی مس ایڈونچر کا منہ توڑ جواب دیا جائیگا ، عسکری قیادت

مادر  وطن کا ہر قیمت پردفاع یقینی بنایا جائے گا، کشمیر ہماری شہ رگ ہے: آرمی چیف

راولپنڈی: (پاکستان فوکس آن لائن) عسکری قیادت نے کہاہے کہ کسی بھی بھارتی مس ایڈونچر کا منہ توڑ جواب دیا جائیگابھارت کے غیر ذمہ دارانہ بیانات کا بھی جارحانہ جواب دیا جائیگا ۔

آئی ایس پی آر سے جاری بیان کے مطابق آرمی چیف جنرل قمر جاوید باجوہ کی زیر صدارت کور کمانڈرز کانفرنس کا انعقاد ہوا جس میں عسکری قیادت کی جانب سے کسی بھی بھارتی مس ایڈ ونچر کے منہ توڑ جواب دینے کے عزم کودہرایا گیا ۔اس موقع پر آرمی چیف کا کہناتھا کشمیر پاکستان کی شہ رگ ہے ۔
انہوں نے کہا کہ کہ پاک فوج مادر وطن کی عزت ، وقار اور علاقائی خود مختاری کے تحفظ کرنے کیلئے مکمل طور پر تیار اور پر عزم ہے ۔ انہوں نے کہا کہ کشمیر ی بھائیوں کے حق خود ارادیت پر کوئی سمجھوتہ نہیں کیا جائیگا اور بھارت کے غیر ذمہ دارانہ بیانات کا بھی جارحانہ جواب دیا جائیگا ۔

Leave a Reply

Your email address will not be published. Required fields are marked *