ایل او سی پر بھارتی جارحیت،سینئر سفارتکار کی دفتر خارجہ طلبی، پاکستان کا احتجاج

بھارت کی طرف سے باربار شہری آبادی کو بھاری اسلحہ سے نشانہ بنایا جارہا ہے، ترجمان دفتر خارجہ

اسلام آباد : (پاکستان فوکس آن لائن) پاکستان نے بھارت کی جانب سے ایل او سی پر سیز فائر معاہدے کی خلاف ورزی پر سینئر بھارتی سفارتکار کو دفتر خارجہ طلب کر کے احتجاج کیا۔ترجمان دفتر خارجہ عائشہ فاروقی نے کہا ہے کہ بھارتی فوج ایل او سی، ورکنگ باؤنڈری پر سول آبادیوں کو مسلسل نشانہ بنا رہی ہیں، 2020 میں بھارت نے 1296 مرتبہ سیز فائر معاہدے کی خلاف ورزیاں کی، رواں برس ایل او سی پر بھارتی اشتعال انگیزیوں میں 7 شہری شہید جبکہ 98 شدید زخمی ہوئے، ایل او سی پر کشیدگی بڑھا کر بھارت مقبوضہ کشمیر سے دنیا کی توجہ نہیں ہٹا سکتا۔
خیال رہے گزشتہ روز بھارتی فورج نے جند روٹ سیکٹر کے گاؤں ڈیرہ شیر خان، سندھارا اور بامروچ میں سویلین آبادی کو نشانہ بنایا، فائرنگ کی زد میں آ کر 4 شہری زخمی ہوئے، زخمی ہونے والوں میں 2 خواتین اور 2 بچے شامل تھے۔

Leave a Reply

Your email address will not be published. Required fields are marked *