امریکی صدر ڈونلڈ ٹرمپ کی ایک بار پھر مسئلہ کشمیر پر ثالثی کی پیشکش

عمران خان میرے دوست ہیں، ہم کشمیر کی صورتحال پر بات کریں گے،ٹرمپ

پاکستان خطے میں امن کیلئے اپنا کردار ادا کرتا رہے گا،عمران خان

ڈیووس: (پاکستان فوکس آن لائن)ورلڈ اکنامک فور میں شریک وزیر اعظم عمران خان اور امریکی صدر ٹرمپ کے درمیان ملاقات ہوئی جس میں ٹرمپ نے مسئلہ کشمیر پر بات چیت کرنے کی خواہش کا اظہار کیا اور کہا کہ امریکا کشمیر کے مسئلے کو حل کرنے میں کردار ادا کرسکتا ہے۔ وزیراعظم عمران خان اور امریکی صدر ڈونلڈ ٹرمپ کے درمیان ورلڈ اکنامک فورم کے موقع پر اہم ملاقات ہوئی جس میں باہمی دلچسپی کے امور اور اہم ایشوز پر تبادلہ خیالات کیا گیا۔
ورلڈ اکنامک فورم کی سائیڈ لائنز پر ہونے والی اس اہم ملاقات میں امریکی اور پاکستانی وفد کے اراکین بھی شامل تھے۔ اس موقع پر وزیراعظم عمران خان نے امریکی صدر ڈونلڈ ٹرمپ کے ساتھ ملاقات کو پرمسرت قرار دیتے ہوئے کہا کہ آپ سے دوبارہ ملاقات کرکے خوشی ہوئی۔وزیراعظم عمران خان کا کہنا تھا کہ پاکستان خطے میں امن کیلئے اپنا کردار ادا کرتا رہے گا۔ امریکی صدر ٹرمپ کیساتھ ملاقات میں افغان امن عمل اور کشمیر کے مسئلے پر بات ہوگی۔
اس موقع پر امریکی صدر ڈونلڈ ٹرمپ نے بھی پاکستانی وزیراعظم کیساتھ دوبارہ ملاقات کو خوش آئند قرار دیتے ہوئے کہا کہ عمران خان دوست ہیں، ان کیساتھ ملاقات کرکے خوشی محسوس کر رہا ہوں۔ انہوں نے کہا کہ ہم دونوں مسئلہ کشمیر پر بات چیت کرینگے۔

Leave a Reply

Your email address will not be published. Required fields are marked *