اسٹیٹ بینک کا شرح سود میں کمی کا اعلان

اگلے دو ماہ کیلئے شرح سود 13.25 فیصد سے کم کرکے 12.50 فیصد کردی گئی

اسلام آباد: (پاکستان فوکس آن لائن)اسٹیٹ بینک آف پاکستان کی جانب سے نئی مانیٹری پالیسی کا اعلان کر دیا گیا ہے۔
اسٹیٹ بینک نے مانیٹری پالیسی بیان جاری کردیا جس میں شرح سود کم کرکے 12 اعشاریہ 5 فیصد کردیا۔اسٹیٹ بینک کی جانب سے جاری کردہ مانیٹری پالیسی بیان میں کہا گیا کہ مانیٹری پالیسی کمیٹی نے شرح سود 75 بیس پوائنٹ کم کردیا ہے اور شرح سود 12.5 فیصد مقرر کیا گیا ہے جب کہ رواں مالی سال افراط زر 11 سے 12 فیصد رہے گا۔
اسٹیٹ بینک کا کہنا ہے کہ کرونا وائرس کے باعث پاکستان کی معاشی ترقی کی شرح نمو میں کمی ہوگی اور مجموعی قومی پیداوار کی نمو 3 فیصد رہے گی، جب کہ کورونا وائرس سے پیدا ہونے والی صورتحال کے باعث نئی صنعتیں لگانے کیلیے 100 ارب روپے کی نئی اسکیم متعارف کرائی گئی ہے۔گورنر اسٹیٹ بینک نے مانیٹری پالیسی بیان پر میڈیا بریفنگ دیتے ہوئے بتایا کہ پاکستان کے زرمبادلہ کے ذخائر کرونا وائرس سے پیدا ہونے والے حالات سے نمٹنے کے لیے کافی ہیں، اسٹیٹ بینک کرونا وائرس سے نمٹنے کے لیے اسپتالوں کو 5 ارب کے قرضے دے گا اور ایک اسپتال زیادہ سے زیادہ 20 کروڑ قرضہ حاصل کرسکے گا، یہ رقم کرونا وائرس سے نمٹنے، ویکسین، وینٹی لیٹر اور دیگر ضروری اشیا کی خریداری کے لیے استعمال کی جاسکے گی۔

Leave a Reply

Your email address will not be published. Required fields are marked *