وزیر اعظم کا آرمی چیف کے ہمراہ آئی ایس آئی کے ہیڈ کوارٹرز کا دورہ

قومی سلامتی کے تحفظ اور خودمختاری کیلئے کوئی سمجھوتہ نہیں کیا جائے گا، عمران خان

راولپنڈی : (پاکستان فوکس آن لائن)وزیراعظم عمران خان نے آرمی چیف جنرل قمر جاوید باجوہ کے ہمراہ آئی ایس آئی ہیڈ کوارٹرز کا دورہ کیا ہے جہاں انھیں اہم امور پر بریفنگ دی گئی۔ذرائع کے مطابق وفاقی وزرا شاہ محمود قریشی، اسد عمر اور معاون خصوصی ڈاکٹر معید یوسف بھی ہمراہ تھے۔ آئی ایس آئی کے سربراہ لیفٹنٹ جنرل فیض حمید نے ہیڈ کوارٹرز آمد پر وزیراعظم کا استقبال کیا۔اجلاس کے دوران وزیرِاعظم عمران خان کو پیچیدہ علاقائی اور داخلی چیلنجز پر بریفنگ دی گئی اور امن کی بحالی کے لئے پاکستانی کاوشوں سے متعلق تفصیل سے آگاہ کیا گیا۔اس موقع پر وزیراعظم عمران خان نے آئی ایس آئی کی قربانیوں اور انتھک کاوشوں کو خصوصی طور پر سراہا اور کہا کہ ملکی سلامتی اور خود مختاری کے تحفظ کے لئے کوئی دقیقہ فروگزاشت نہیں کیا جائے گا۔

Leave a Reply

Your email address will not be published. Required fields are marked *