کورونا وائرس کے شبے میں چینی شخص ملتان کے نشتر ہسپتال منتقل

ملتان: (پاکستان فوکس آن لائن) جان لیوا کرونا وائرس کے شبہ میں چینی شخص کو نشتر اسپتال میں داخل کیا گیا ہے۔
میڈیا رپورٹس کے مطابق ملتان میں 40 سالہ چینی باشندے فینگ فین کو کرونا وائرس کے شبہ میں نشتر اسپتال میں داخل کیا گیا ہے جہاں اسے آئی سو لیشن وارڈ منتقل کرکے خون کے نمونے لیبارٹری بھجوادیئے گئے ہیں۔میڈیا رپورٹس کے مطابق چینی شخص انڈسٹریل اسٹیٹ میں پراجیکٹ پر کام کررہا تھا اور چند روز قبل چائنہ کے شہر (ووہان) سے واپس لوٹا تھا۔
واضح رہے چائنہ میں کرونا وائرس سے ہلاکتوں کی تعداد 41ہوگئی ہےاور 1287افراد میں اس بیماری کی تصدیق ہوگئی ہے جن میں سے 177 کی حالت تشویشناک ہے۔ کروناوائرس کےزیادہ ترکیسزچین کےشہر ووہان میں سامنےآئےہیں جس پر حکام نے ووہان اورقریبی شہروں سےلوگوں کےباہرجانے اور باہر والوں کے اندر داخلے پرپابندی عائد کردی ہے۔

Leave a Reply

Your email address will not be published. Required fields are marked *