وزیراعظم اور وزیر خارجہ کی سری لنکا میں‌ بم دھماکوں‌ کی شدید مذمت‌

اسلام آباد: (پاکستان فوکس آن لائن) وزیراعظم عمران خان نے سری لنکا میں‌ ہونے والے دھماکوںکی شدید مذمت کرتے ہوئے کہا ہے کہ انسانی جانوں کے ضیاع پر شدید دکھ ہوا ہے. غم کی اس گھڑی میں‌ سری لنکن عوام اور حکومت کے ساتھ کھڑے ہیں، قبل ازیں ترجمان پاکستانی دفتر خارجہ کی جانب سے بھی مذمتی بیان جاری کیا گیا جس میں سری لنکن حکومت کو تعاون کی پیشکش بھی کی گئی ہے۔ وزیراعظم عمران خان نے سری لنکا میں ایسٹر کے موقع پر 160 سے زائد افراد کی ہلاکت اور سینکڑوں زخمی ہونے پر دکھ کا اظہار کیا ہے، انھوں نے کہا کہ پاکستان سری لنکن عوام کے شانہ بشانہ کھڑا ہے۔ وزیرخارجہ شاہ محمود قریشی نے بھی سری لنکا میں ہونے والے دھماکوں کی شدید مذمت کی۔

قبل ازیں ترجمان دفتر خارجہ نے کہا کہ سری لنکا میں تمام تر صورتحال پر نظر رکھے ہوئے ہیں، پاکستانی شہریوں کی ہر ممکن مدد کیلئے تیاریاں مکمل کر لی گئیں، دہشتگردی کی ہولناک واردات پر شدید افسوس ہے، پاکستان ہر طرح کی دہشت گردی کی مذمت کرتا ہے۔یاد رہے کہ سری لنکا میں ایسٹر کے موقع پر جب مسیحی برادری اپنی عبادات میں مصروف تھی، امن کے دشمنوں نے یکے بعد دیگرے 6 دھماکے کر دیئے جس کے نتیجے میں 160 سے زائد افراد ہلاک اور 300 سے زائد زخمی ہو گئے۔

Leave a Reply

Your email address will not be published. Required fields are marked *