دہشتگردی کیخلاف جنگ، امریکا کا پاکستان کی قربانیوں کا اعتراف

اسلام آباد: (پاکستان فوکس آن لائن)کمانڈر سینٹ کام جنرل میکنزی نے پاکستان کی سیاسی اورعسکری قیادت سے ملاقاتوں میں دہشت گردی کے خلاف جنگ میں پاکستان کی قربانیوں کا اعتراف کرتےے ہوئے خطے کی سلامتی واستحکام کے لیے امریکی عزم کا اعادہ کیا ہے۔کمانڈر سینٹ کام جنرل میکنزی کے دورہ پاکستان پر امریکی سفارتخانہ کی جانب سے جاری اعلامیہ میں کہا گیا ہے کہ امریکا نے دہشت گردی کیخلاف جنگ میں پاکستان کی قربانیوں کا اعتراف کیا ہے۔اعلامیے میں کہا گیا ہے کہ جنرل میکنزی نے کمانڈر سینٹ کام بننے کے بعد پاکستان کا پہلا دورہ کیا جس میں انہوں نے اعلیٰ پاکستانی سول اور عسکری قیادت سے ملاقاتیں کیں۔امریکی سفارتخانہ کے اعلامیہ کے مطابق جنرل میکنزی وزیراعظم عمران خان، وزیر دفاع پرویز خٹک اور سیکرٹری خارجہ سے ملے جبکہ انہوں نے چیئرمین جوائنٹ چیفس اور تینوں مسلح افواج کے سربراہان سے بھی ملاقاتیں کیں۔پاکستان کی سیاسی اور عسکری قیادت سے ملاقاتوں میں جنرل میکنزی نے خطے کی سلامتی اور استحکام کے لیے امریکی عزم دہرایا۔ کمانڈر سینٹ کام نے افغان امن مذاکرات میں پاکستانی کردار پر بات کی۔ جنرل میکنزی کو کالعدم تنظیموں کیخلاف حالیہ حکومتی کارروائیوں سے آگاہ کیا گیا۔ میڈیارپورٹس کے مطابق وزیراعظم عمران خان سے امریکی سینٹ کام کے کمانڈر جنرل کینتھ میکنزی نے ملاقات میں باہمی دلچسپی کے امور اور خطے کی مجموعی سکیورٹی صورتحال پر تبادلہ خیال کیا۔ اس موقع پر وزیردفاع پرویز خٹک اورسیکریٹری خارجہ تحمینہ جنجوعہ بھی موجود تھیں۔ملاقات میں خطے کی جیو سٹریٹجک صورتحال پر تفصیلی گفتگو ہوئی۔ وزیراعظم نے افغانستان کی صورتحال اور پاکستان کی جانب سے کی جانے والی مخلصانہ کوششوں کا ذکر کرتے ہوئے کہا کہ افغانستان میں امن پاکستان کے مفاد میں ہے۔ موجودہ پاک بھارت کشیدگی پربات چیت کے دوران وزیراعظم نے امن کیلئے اٹھائے گئے حالیہ پاکستانی اقدامات پر روشنی ڈالی اور دہشتگردی کیخلاف جنگ میں قربانیوں اورکامیابیوں سےآگاہ کیا۔

 

وزیراعظم عمران خان سے امریکی سینٹ کام کمانڈر جنرل کینتھ کی ملاقات

اسلام آباد: (پاکستان فوکس آن لائن) وزیراعظم عمران خان سے امریکی سینٹ کام کے کمانڈر جنرل کینتھ میکنزی نے ملاقات کی جس میں باہمی دلچسپی کے امور اور خطے کی مجموعی سکیورٹی صورتحال پر تبادلہ خیال کیا گیا۔ اس موقع پر وزیردفاع پرویز خٹک اورسیکریٹری خارجہ تحمینہ جنجوعہ بھی موجود تھیں۔ملاقات میں خطے کی جیواسٹریٹجک صورتحال پرتفصیلی گفتگو ہوئی، وزیراعظم نے افغانستان کی صورتحال اور پاکستان کی جانب سے کی جانے والی مخلصانہ کوششوں کا ذکر کرتے ہوئے کہا کہ افغانستان میں امن پاکستان کے مفاد میں ہے۔ موجودہ پاک بھارت کشیدگی پربات چیت کے دوران وزیراعظم نے امن کیلئے اٹھائے گئے حالیہ پاکستانی اقدامات پر روشنی ڈالی اور دہشتگردی کیخلاف جنگ میں قربانیوں اورکامیابیوں سےآگاہ کیا۔بتایا گیا ہے کہ ملاقات میں وزیردفاع پرویز خٹک اورسیکریٹری خارجہ تحمینہ جنجوعہ بھی شریک ہوئیں۔ اس سے قبل امریکی کمانڈر نے پاکستان بحریہ کے ہیڈکوارٹرز کا دورہ کیا جہاں نیول چیف ایڈمرل ظفر محمود عباسی سے بین الاقوامی پانیوں میں قزاقی کے تدارک کیلئے پاکستانی اقدامات اور باہمی تعاون کے حوالے سے تفصیلی گفتگو ہوئی۔

 

Leave a Reply

Your email address will not be published. Required fields are marked *