پاکستان جنوبی ایشیا میں فائیو جی کا تجربہ کرنیوالاپہلا ملک بن گیا

اسلام آباد: (پاکستان فوکس آن لائن) موبائل ٹیکنالوجی کے شعبے میں بڑی پیش رفت، پاکستان فائیو جی سروس کا تجربہ کرنے والا جنوبی ایشیا  کا پہلا ملک بن گیا۔
چینی ٹیلی کام کمپنی نے پاکستان میں فائیو جی کا کامیاب تجربہ کرلیا، پاکستان 5 جی کا تجربہ کرنے والے چند ممالک میں شامل ہوگیا ہے۔ حکام کے مطابق پاکستان میں جلد ہی 5 جی سروس کا آغاز کر دیا جائے گا، فائیو جی نیٹ ورک موجودہ موبائل انٹرنیٹ کنکشن سے سو گنا تیز ہوگا، فائیو جی نیٹ ورک موجودہ براڈ بینڈ کنکشن سے دس گنا تیز ہوگا۔ فائیو جی ہوم روٹر کی رفتار فور گیگا بائٹس فی سیکنڈ ہے۔ فائیو جی سے 50 جی بی کی فائل 2 منٹ میں ڈاون لوڈ ہو سکتی ہے۔
میڈیا رپورٹس کے مطابق نیٹ ورک کی سپیڈ کا دارومدار آپریٹر کے پاس موجود سپیکٹرم پر ہوگا، پی ٹی اے نے گزشتہ ماہ لائسنس کے اجرا کیلئے درخواستیں طلب کی تھیں، آپریٹر کے پاس جو سپیکٹرم ہوگا اس پہ سپیڈ کا انحصار ہوگا۔

Leave a Reply

Your email address will not be published. Required fields are marked *