ملک میں لاک ڈائون میں نرمی ہوگی یا سختی؟فیصلے کیلئے اجلاس طلب

وزیراعظم عمران خان نے قومی رابطہ کمیٹی کا اہم اجلاس 31 مئی کو طلب کر لیا

اسلام آباد: (پاکستان فوکس آن لائن)وزیراعظم عمران خان نے قومی رابطہ کمیٹی کا اجلاس 31 مئی کو طلب کرلیا ہے۔۔اجلاس میں لاک ڈاون میں نرمی یا مزید سختی کا فیصلہ کیا جائے گا۔
تفصیلات کے مطابق وزیراعظم عمران خان نے قومی رابطہ کمیٹی کا اہم اجلاس 31 مئی کو طلب کر لیا، لاک ڈاون کی حکمت عملی بارے اہم فیصلے ہوں گے۔ وفاقی حکومت نے کورونا کی صورتحال کے پیش نظر اکتیس مئی کے بعد لاک ڈاون کی صورتحال کے حوالے سے اہم فیصلوں کے لئے قومی رابطہ کمیٹی کا اجلاس طلب کر لیا ہے، وزیراعظم عمران خان اجلاس کی صدارت کریں گے جبکہ وفاقی وزراء، وزرائے اعلی اور متعلقہ حکام شریک ہوں گے، اجلاس میں عسکری حکام اور این ڈی ایم اے کے ماہرین بریفنگ دیں گے۔
قومی رابطہ کمیٹی باہمی مشاورت سے لاک ڈاؤن میں نرمی یا مزید سختی کا فیصلہ کرے گی، قومی رابطہ کمیٹی اجلاس میں کورونا وائرس کے خلاف اٹھائے گئے اقدامات پر غور ہو گا، قومی رابطہ کمیٹی ٹرین سروس کو مزید فعال کرنے پر مشاورت کرے گی، اجلاس میں این سی او سی کے فیصلوں کی توثیق ہو گی۔

Leave a Reply

Your email address will not be published. Required fields are marked *