عوام کوسستی اورماحول دوست بجلی فراہم کرنےکیلئےکوشاں ہیں، وزیراعظم

آزاد پتن ہائیڈرو پاور پراجیکٹ کے معاہدے پر دستخط، 700 میگا واٹ بجلی پیدا ہوگی

اسلام آباد: (پاکستان فوکس آن لائن)وزیراعظم عمران خان نے کہا ہے کہ ہائیڈروپاورپروجیکٹ سےسستی بجلی پیداکرنےمیں مدد ملےگی، حکومت عوام کوسستی اورماحول دوست بجلی فراہم کرنےکیلئےکوشاں ہیں۔تفصیل کے مطابق آزاد پتن ہائیڈرو پاور پراجیکٹ کے معاہدے پر دستخط کر دئیے گئے ہیں۔ اس منصوبے سے 700 میگا واٹ بجلی پیدا ہو گئی جبکہ ملازمتوں کے 3 ہزار مواقع پیدا ہونگے۔
آزادپتن ہائیڈروپاورپروجیکٹ کےمعاہدوں پردستخط کی تقریب سے خطاب کرتے ہوئے وزیراعظم نے کہا کہ آج ہائیڈرو پاور پروجیکٹ کےدوسرے منصوبے پر دستخط کیےگئے اور سی پیک میں شامل دوسرےمنصوبےکامعاہدہ کیاگیاہے۔وزیراعظم عمران خان نے کہا کہ سی پیک مستقبل کی ایسی امیدہےجوملک کو اوپر لے کر جائےگی، چین نےجس طرح ترقی کی ہمارےلیےمثال ہے، سی پیک سےہمیں بہت امیدیں ہیں جوپاکستان کوترقی دےگا۔انہوں نے کہا کہ سی پیک تیزی سےتکمیل کےمراحل طےکر رہا ہے اس وقت ہمارےملک کی اصل ضرورت سرمایہ کاری ہے، ہائیڈروپاورپروجیکٹ کےذریعےسرمایہ کاری آئی ہے، اس سرمایہ کاری سےملک کوفائدہ ہوگابوجھ نہیں پڑےگا۔
وزیراعظم کا کہنا تھا کہ چینی اداروں کی دنیامیں ترقی سب کےسامنےہے ،ہمیں چین سےبہت کچھ سیکھنےکوملےگا، ہائیڈروپاورپروجیکٹ کلین انرجی ہےجس سےفائدہ ہوگا، دنیااس وقت گرین انرجی کی طرف جارہی ہے، گرین انرجی کی وجہ سےگلوبل وارمنگ کوبھی نقصان نہیں ہوگا ہم منصوبےقرضےلےکرنہیں بلکہ سرمایہ کاری کے ذریعے بنارہےہیں۔انہوں نے کہا کہ ہائیڈروپاورپروجیکٹ سےسستی بجلی پیداکرنےمیں مددملےگی، عوام کوسستی اورماحول دوست بجلی فراہم کرنےکیلئےکوشاں ہیں ہم سستی بجلی پیدا کرسکتےتھےلیکن تیل درآمدکرکےمہنگی بجلی پیداکی گئی، مہنگی بجلی پیداکرنےسےہرشعبےکوفرق پڑا ہے۔

https://web.facebook.com/ImranKhanOfficial/videos/280528216486072/

Leave a Reply

Your email address will not be published. Required fields are marked *