آئندہ جون تک ایک ارب درخت لگادیں گے ، وزیر اعظم عمران خان

کہوٹہ: (پاکستان فوکس آن لائن) وزیر اعظم عمران خان نے کہا کہ 2 برس میں 30 کروڑ درخت اگائیں ہیں، ہماری نرسریوں میں پودے تیار ہیں اور آئندہ جون تک ایک ارب درخت لگادیں گے ۔تفصیلات کے مطابق وزیراعظم عمران خان نے کہوٹہ میں پودا لگا کر مون سون شجرکاری مہم کا آغاز کیا۔ اس موقع پر مشیر برائے ماحولیاتی تبدیلی ملک امین اسلم اور وزیر مملکت ماحولیات زرتاج گل بھی موجود تھیں۔اس موقع پر تقریب سے خطاب کرتے ہوئے وزیراعظم کا کہنا تھا کہ پاکستان میں دنیا کی نسبت سب سے کم جنگلات بچے ہیں۔ پاکستان میں آزادی سے اب تک تیس نیشنل پارک تھے، ہم نے ان کا بھی صفایا کر دیا۔ اب اگر ہم نے جنگلات نہ اگائے تو کافی نقصان ہوگا۔ان کا کہنا تھا کہ درخت اگانے سے گلوبل وارمنگ سے بھی بچا جا سکتا ہے۔ ہم نے تیس کروڑ درخت دو سال میں اگائے ہیں۔ درخت کو لگانا نہیں ان کو بچانا بھی ہے۔ ہم جنگلات کے نگہبان بنا رہے ہیں، ان کی تعداد بڑھاتے رہیں گے۔ ہمارا ہدف 10 ارب درخت لگانا ہے۔انہوں نے کہا کہ ہماری نئی نسل کو درختوں کی اہمیت اور انھیں بچانے کا زیادہ شعور ہے۔ ہر سکول میں ہفتے میں دو گھنٹے گرین کلین پاکستان سکھانے کیلئے مختص ہونگے۔

Leave a Reply

Your email address will not be published. Required fields are marked *